نكت على كيفك

بيقولك باراك أوباما قبل الانتخابات اتصل بمبارك وقاله : عاوزك تبعتلي شويّة ناس من عندك عشان يصوتولي في الانتخابات واكسبها في الآخر . راح باعتله شوية من أعضاء الحزب الوطني . بعديها بكام يوم لقي أوباما قام متصل بيه و قال له: الله يخرب بيتك .. وراح قافل السكة في وشه !! شوية ولقي هيلاري كلينتون بتتصل بيه و بتقول له : الله يخرب بيتك .. وقفلت السكة في وشه !! وبعديها بيل كلينتون اتصل وقال له : الله يخرب بيتك .. وقفل السكة في وشه برضه . الراجل هيتجنن وبيقول : هوا فيه إيه ؟ شوية كمان لقى بتوع الحزب الوطني بيتصلوا بيه من أمريكا وبيقولوا له :
مبروك يا ريس، انت كسبت الانتخابات الأمريكية !!
......................................................................

صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعة لفتين
قالت : والحمرا
قال : و الحمرا برضو بلف بيها حول الترعة لفتين
قالت : أنتا ليه كل مره اسئلك بتقولي انهو فيهم انهو فيهم
وفي الأخر بتعاملهم زى بعض؟
قال : أصل البقرة البيضا بتاعتي
قالت : والحمرا؟؟
قال: والحمرا برضو بتاعتي
.........................................................................

بعد أن أصبح السيد الرئيس نجماً في مجال التطوير والتنميه طلب أن يُصمم له طابع بريدي يحمل صورته . . لتسجيل إنتصاراته أثناء فترة ولايته ..!

أكدّ على مستشاريه ضرورة أن يواكب الطابع البريدي المواصفات العالمية في الجودة .
تمّ تصميم وطباعة الطابع وتوزيعه على مكاتب الخدمات البريدية في جميع انحاء الجمهوريه . . فعادت الأخبار بعد أيام أن الطابع لا يلتصق ..!!!
أتصل الرئيس بمستشاريه وطلب منهم التحقيق في الأمر . . بعد إنزعاج الكثيرين من عدم إلتصاق الطابع .
وعادت التقارير من مكاتب البريد كالتالي " الطابع يحمل أعلى جودةممكنة في الإلتصاق . . ولكن الناس تبصق على الجهة الخطأ "